香港新浪網 MySinaBlog
« 上一篇 | 下一篇 »

羅致光介紹,最啱通屎渠 - 陳也

CY Leung fb截圖(互聯網) 

全港閒到發慌那條友,香港人忍佢好耐,本報讀者,見條友咁勤力,日日睇蘋果,醫生遠離佢,間接減輕公院醫護壓力,叫做有些少建樹,所以繼續忍,測試百忍係咪會成金。但全版廣告出街後,條友質疑「有限公司」有冇違例。唉,條友袋了五千萬拍拍屁股唔申報,呢筆賬,冇劃線,必然有追溯期,唔使逃犯條例,只要律政司忽然接到強力部門order,赤柱開倉,「宿位」度身available。睇開蘋果有感情,條友會繼續訂閱,那個倉,還殘留被佢惡整的「前任」的體味,在那種氛圍中,計算住蘋果的全版廣告,連藥都慳番,毋須保外就醫。無法想像,有朝一日,無咗蘋果,條友會不會癲過自己個女,call白車送自己去精神病房陪羅校長!

條友自從被失業,病情惡化,送中條例一過,當年冇行埋公開撐佢那批商家,在清算名單中,每日fb公告,羅織罪狀,叫保安局按單執法。中小企老闆騰雞,對公平公正忍耐力屬有限公司的華資大老細,最近沉默得反常。好心羅致光,叫條友唔好諗再選,去勞工處搵份通屎渠兼職啦。